Обожувам помпезни најави. Ок барем не е помпезно како предлог минималната плата од 300 евра на Павле Трајанов 
. Но ајде малку весела математика со предложеното покачување на платите на наставниците. Супер, и мајками работи во основно. Но кога некој ви дава поклон купен со ваши пари се прашувате колку кошта тој „подарок“ и од каде се земени тие пари (која буџетска линија) особено пошто не е развоен/капитален трошок.
Со 5 минути играње со цифри и главна претпоставка дека еве да речеме само пола наставници се на наставничка минимална плата (а сигурно се повеќе) се доаѓа до дополнителен трошок за плати од 600,000 еур месечно или околу 7 милиони евра годишно (екселот во прилог-како слика, нема друг начин ). Одговорни креатори на политики би кажале од која буџетска ставка ќе одземат за да ја финансираат оваа мерка, сето останато е само популизам.
Не сум против покачувања на плати за јавната администрација, но сум против колективно потценување на интелигенцијата на мојот и сечиј народ под превивката дека тие се елита и нема потреба што тие нас да ни објаснуваат во детали.
Ви посакувам добар улов!
PolicyHunter 